ক. (Multiple Choice Questions – MCQs)
১. চেলুনত অভ্যৰ্থনা কক্ষ (Reception area) পৰিপাটিকৈ ৰখাৰ মূল উদ্দেশ্য কি?
(ক) চেলুনৰ কৰ্মচাৰীসকলে নিজৰ কৰ্মক্ষেত্ৰৰ পৰিৱেশটো ভাল অনুভৱ কৰিবলৈ।
(খ) গ্ৰাহকৰ বাবে এক ইতিবাচক প্ৰথম প্ৰভাৱ (positive first impression) সৃষ্টি কৰিবলৈ।
(গ) গ্ৰাহকৰ বাবে আলোচনীসমূহ শৃংখলাবদ্ধভাৱে সজাই ৰাখিবলৈ।
(ঘ) চেলুনখন যাতে অসংগঠিত হৈ নাথাকে সেয়া নিশ্চিত কৰিবলৈ।
উত্তৰ: (খ) গ্ৰাহকৰ বাবে এক ইতিবাচক প্ৰথম প্ৰভাৱ (positive first impression) সৃষ্টি কৰিবলৈ।
২. চেলুনত গ্ৰাহকৰ বাবে এক যত্নশীল আৰু অনুকূল পৰিৱেশ সৃষ্টি কৰাৰ ক্ষেত্ৰত তলৰ কোনটো কাৰ্য অন্তৰ্ভুক্ত নহয়?
(ক) ব্যস্ত থকা সত্ত্বেও গ্ৰাহকক লক্ষ্য কৰা আৰু আদৰণি জনোৱা।
(খ) গ্ৰাহকৰ কাম কৰি থকাৰ সময়তে অন্য কৰ্মচাৰীৰ সৈতে অনৰ্থক আড্ডা মৰা।
(গ) পৰিষ্কাৰ-পৰিচ্ছন্ন আৰু পৰিপাটি ৰূপ বজাই ৰখা।
(ঘ) সময়নিষ্ঠ আৰু বিশ্বাসযোগ্য হোৱা।
উত্তৰ: (খ) গ্ৰাহকৰ কাম কৰি থকাৰ সময়তে অন্য কৰ্মচাৰীৰ সৈতে অনৰ্থক আড্ডা মৰা।
৩. চেলুনত ফোন কল এটাৰ উত্তৰ দিয়াৰ সময়ত সম্ভাষণত (Greeting) কি অন্তৰ্ভুক্ত থকা উচিত?
(ক) কেৱল আপোনাৰ নাম।
(খ) চেলুনৰ নাম আৰু আপোনাৰ নাম।
(গ) সেৱাসমূহৰ এক বিতং তালিকা।
(ঘ) ফোন কৰাৰ বাবে হোৱা অসুবিধাৰ বাবে ক্ষমা প্ৰাৰ্থনা।
উত্তৰ: (খ) চেলুনৰ নাম আৰু আপোনাৰ নাম।
৪. টেলিফোনত কথা পতাৰ সময়ত তলৰ কোনটো এটা গুৰুত্বপূৰ্ণ দিশ হিচাপে বিবেচনা কৰা হয়?
(ক) ফোন কৰা ব্যক্তিক প্ৰভাৱিত কৰিবলৈ কঠিন শব্দ ব্যৱহাৰ কৰা।
(খ) বাৰ্তা প্ৰেৰণৰ বাবে শৰীৰৰ ভংগীমাৰ (Body language) ওপৰত নিৰ্ভৰ কৰা।
(গ) স্পষ্টভাৱে আৰু পোনপটীয়াকৈ মাউথপিচত (Mouthpiece) কথা কোৱা।
(ঘ) সকলো সময়তে কথোপকথন অতি চমু কৰি ৰখা।
উত্তৰ: (গ) স্পষ্টভাৱে আৰু পোনপটীয়াকৈ মাউথপিচত (Mouthpiece) কথা কোৱা।
৫. চেলুনত দলীয় মনোভাৱ (Team spirit) বজাই ৰখাৰ ক্ষেত্ৰত তলৰ কোনটো ক্ষতিকাৰক আচৰণ?
(ক) সহকৰ্মীসকলক সহায়ৰ হাত আগবঢ়োৱা।
(খ) মুক্ত আৰু স্পষ্ট যোগাযোগ বজাই ৰখা।
(গ) দলীয় সহযোগিতা নোহোৱাকৈ অকলে কাম কৰা।
(ঘ) নিয়মীয়া দলীয় বৈঠকত অংশগ্ৰহণ কৰা।
উত্তৰ: (গ) দলীয় সহযোগিতা নোহোৱাকৈ অকলে কাম কৰা।
খ. খালী ঠাই পূৰণ কৰা (Fill in the Blanks)
১. অভ্যৰ্থনা কক্ষ (Reception area) হৈছে গ্ৰাহক আৰু চেলুনৰ মাজৰ যোগাযোগৰ প্ৰথম কেন্দ্ৰ (point of contact)।
২. চেলুনত এক ইতিবাচক আৰু যত্নশীল পৰিৱেশে গ্ৰাহকক তেওঁলোকৰ সেৱা গ্ৰহণৰ সময়ত আৰামদায়ক (comfortable) আৰু নিশ্চিন্ত অনুভৱ কৰাত সহায় কৰে।
৩. টেলিফোন যোগাযোগত প্ৰায় ২৫ শতাংশ শব্দ আৰু ৭৫ শতাংশ হৈছে মাতৰ সুৰ বা কথা কোৱাৰ ভংগীমা (tone)।
৪. গোপনীয়তা (Confidentiality) মানে হৈছে গ্ৰাহকে কোৱা কথা আনৰ আগত প্ৰকাশ নকৰা আৰু তেওঁলোকৰ ব্যক্তিগত তথ্যৰ প্ৰতি সতৰ্ক বা সচেতন (discrete) হৈ থকা।
৫. দলৰ সদস্যসকলৰ মাজত যোগাযোগৰ অভাৱ বা ব্যঘাত (breakdown in communications) ঘটিলে দলীয় মনোভাৱ নষ্ট হ’ব পাৰে।
গ. সত্য নে অসত্য নিৰ্ণয় কৰা (True or False)
১. চেলুনত গ্ৰাহকৰ সৈতে ব্যক্তিগত, ধৰ্মীয় বা ৰাজনৈতিক মতামত আলোচনা কৰাটো উচিত।
উত্তৰ: অসত্য (False) (কৰ্মচাৰীয়ে চেলুনত ধৰ্মীয়, ৰাজনৈতিক বা ব্যক্তিগত বিষয় আলোচনা কৰিব নালাগে।)
২. এটা সঠিক টেলিফোন সম্ভাষণত চেলুনৰ নাম উল্লেখ কৰা আৰু স্পষ্টভাৱে নিজৰ পৰিচয় দিয়াটো অন্তৰ্ভুক্ত থাকে।
উত্তৰ: সত্য (True)
৩. মদ্যপান আৰু ধঁপাত সেৱনে ব্যক্তিৰ পেছাদাৰী কৰ্মদক্ষতাৰ ওপৰত কোনো প্ৰভাৱ নেপেলায়।
উত্তৰ: অসত্য (False) (ইয়াৰ ফলত মনোযোগ আৰু কামৰ পাৰদৰ্শিতা হ্ৰাস পায়।)
৪. চেলুনৰ প্ৰতিজন দলৰ সদস্যই জনা উচিত যে কাৰ কি দায়িত্ব।
উত্তৰ: সত্য (True)
৫. যদি ভদ্ৰভাৱে কোৱা হয়, তেন্তে এগৰাকী বিউটি থেৰাপিষ্টে এজন গ্ৰাহকৰ ব্যক্তিগত জীৱনৰ কথা আন এজন গ্ৰাহকৰ সৈতে আলোচনা কৰিব পাৰে।
উত্তৰ: অসত্য (False) (গ্ৰাহকৰ ব্যক্তিগত কথাৰ গোপনীয়তা ৰক্ষা কৰাটো পেছাদাৰী নীতিৰ অন্তৰ্গত।)
ঘ. চমু/দীঘল প্ৰশ্নোত্তৰ (Subjective Questions)
১. চেলুনৰ অভ্যৰ্থনা কক্ষ (Reception area) কেনেদৰে সংগঠিত বা সজাই ৰখা উচিত?
উত্তৰ:অভ্যৰ্থনা ডেস্ক সদায় পৰিষ্কাৰ আৰু পৰিপাটিকৈ ৰাখিব লাগে। সপ্তাহত অন্ততঃ এবাৰ ফুলদানিৰ ফুল সলনি কৰিব লাগে। গ্ৰাহকৰ পঢ়াৰ বাবে শেহতীয়া সৌন্দৰ্য আৰু অন্যান্য স্বাস্থ্যবিষয়ক আলোচনী মজুত ৰাখিব লাগে। ব্যৱহৃত কাপ বা গিলাচসমূহ লগে লগে আঁতৰাই পেলাব লাগে।
২. আপুনি এজন গ্ৰাহকৰ বাবে কেনেদৰে যত্নশীল পৰিৱেশ (Caring environment) গঢ়ি তুলিব?
উত্তৰ:কাম আৰু মানুহৰ প্ৰতি সদায় এক ইতিবাচক দৃষ্টিভংগী প্ৰদৰ্শন কৰিব লাগে। নিজৰ সাজ-পোছাক আৰু ৰূপ পৰিপাটি তথা পৰিষ্কাৰ কৰি ৰাখিব লাগে। গ্ৰাহক আৰু সহকৰ্মী উভয়ৰে প্ৰতি বিনম্ৰ আচৰণ দেখুৱাব লাগে; ব্যস্ত থাকিলেও গ্ৰাহকক আদৰণি জনাব লাগে। সময়মতে কাম কৰা আৰু গ্ৰাহকৰ প্ৰতি সম্পূৰ্ণ মনোযোগ দিয়া উচিত (গ্ৰাহকক সেৱা দি থকাৰ সময়ত আনৰ লগত অনৰ্থক কথা পতা অনুচিত)।
৩. কৰ্মক্ষেত্ৰত ইতিবাচক প্ৰভাৱ পেলোৱাৰ বাবে যোগাযোগৰ গুৰুত্ব কি?
উত্তৰ:সঠিক যোগাযোগে গ্ৰাহকৰ সৈতে এক মধুৰ আৰু বিশ্বাসযোগ্য সম্পৰ্ক গঢ়ি তোলে। গ্ৰাহকৰ প্ৰয়োজনীয়তা আৰু সমস্যাসমূহ সঠিকভাৱে বুজি পোৱাত সহায় কৰে। ই চেলুনৰ কৰ্মচাৰীসকলৰ মাজত দলীয় একতা আৰু কামৰ দক্ষতা বৃদ্ধি কৰে।
৪. টেলিফোন যোগাযোগৰ কিছুমান অসুবিধা কি কি?
উত্তৰ:কথা পাতি থকা ব্যক্তাজনক সমুখত নেদেখা। পটভূমিৰ কোলাহল বা নেটৱৰ্কৰ শব্দ। কাষৰ আন কোনো কাম বা ব্যক্তিয়ে মনোযোগ বিচ্ছিন্ন কৰা। অস্পষ্ট উচ্চাৰণ বা অপৰিচিত ভাষা/টোন বুজিবলৈ অসুবিধা হোৱা।
৫. চেলুন কৰ্মচাৰীৰ বাবে আচৰণ বিধি (Code of conduct) উল্লেখ কৰক।
উত্তৰ:সকলোৰে প্ৰতি সন্মান, সততা আৰু ন্যায়সংগত আচৰণ প্ৰদৰ্শন কৰা। অন্য কৰ্মচাৰী বা অন্য চেলুনৰ বদনাম নকৰা। পেছাদাৰী নৈতিকতা বজাই ৰখা আৰু গ্ৰাহকৰ ব্যক্তিগত কথাৰ গোপনীয়তা ৰক্ষা কৰা। কৰ্মক্ষেত্ৰত কোনো ধৰণৰ বৈষম্য বা অসৎ আচৰণ নকৰা আৰু ধৰ্ম, ৰাজনীতি বা ব্যক্তিগত অপপ্ৰচাৰ নকৰা।
